ദോഹ: ഫിഫ ലോകകപ്പ് 2022 ഇവൻ്റുകളിൽ ഉപയോഗിച്ച 105 ഫർണിഷ് ചെയ്ത ക്യാബിനുകളും കൃത്രിമ പുല്ലും പൊതു ലേലത്തിലൂടെ വിൽക്കുമെന്ന് അഷ്ഗാൽ അറിയിച്ചു.

ലേലം 2024 ഡിസംബർ 8 ഞായറാഴ്ച ആരംഭിക്കും, സ്റ്റോക്ക് തീരുന്നത് വരെ തുടരും.

ഹമദ് ഇൻ്റർനാഷണൽ എയർപോർട്ടിന് സമീപമുള്ള ഫ്രീ സോൺ മെട്രോ സ്റ്റേഷന് പിന്നിൽ സ്ഥിതി ചെയ്യുന്ന അബു ഫോണ്ടാസ് ഏരിയയിൽ (ഫ്രീ സോൺ - ഫിഫ വേൾഡ് കപ്പ് 2022 ഫാൻ അക്കമഡേഷൻ) ആണ് ലേലം നടക്കുക, രാവിലെ 8 മുതൽ 12 വരെയും വൈകുന്നേരം 3 മണി മുതൽ 5 മണി വരെയും ആണ് ലേലം.

ഉയർന്ന നിലവാരമുള്ള ക്യാബിനുകളും കൃത്രിമ പുല്ലും കുറഞ്ഞ വിലയിൽ ലഭിക്കുന്നതിനുള്ള അവസരമാണ് ഇതെന്നും എല്ലാ പൗരന്മാരെയും താമസക്കാരെയും ലേലത്തിൽ പങ്കെടുക്കാൻ ക്ഷണിക്കുന്നതായും ജനറൽ സർവീസസ് ഡിപ്പാർട്ട്‌മെൻ്റ് മാനേജർ യൂസഫ് അൽ-ഉബൈദ്‌ലി പറഞ്ഞു.

ക്യാബിനുകളുടെയും കൃത്രിമ പുല്ലുകളുടെയും ഗുണനിലവാരം ഓർഗനൈസിംഗ് അതോറിറ്റി വ്യക്തമാക്കിയ സമയത്ത് പരിശോധിക്കാം.

വലിയ അളവിൽ കൃത്രിമ പുല്ല് ലഭ്യമാണ്.